ტაროს 22 არკანიანი გაშლის მეთოდი შესანიშნავია არამარტო იმ შემთხვევებისთვის, როდესაც აპირებთ 22 ცხოვრებისეული სფეროს და საკითხის ამჟამინდელი სიტუაციის ანალიზს, არამედ მაშინაც, როდესაც გჭირდებათ აღნიშნული სფეროების/საკითხების მომავლის პროგნოზირება ან კონკრეტული რჩევების მიღება.

დასაწყისისთვის გადაწყვიტეთ, ტაროს სრული დასტით იხელმძღვანელებთ თუ მხოლოდ მაღალი არკანებით. შემდეგ კარგად აურიეთ ბანქოები და განალაგეთ შესაბამის პოზიციებზე.

პოზიციების აღწერები

  1. სულელი: პოტენციალი, შინაგანი თავისუფლება, თავგადასავლები.
  2. ჯადოქარი: უნარები, გამოცდილება, პრაქტიკული სამუშაოები.
  3. ქურუმი ქალი: ინტუიცია, საიდუმლოებები, ცოდნა.
  4. იმპერატორი ქალი: ოჯახი, მატერიალური მდგომარეობა, ქველმოქმედება.
  5. იმპერატორი: კარიერა, სამსახური, სტრატეგია.
  6. ქურუმი: რელიგია, რწმენა, პრინციპები.
  7. შეყვარებულები: სასიყვარულო ურთიერთობა, არჩევანის გაკეთება, სულიერი ჰარმონია.
  8. ეტლი: მიზნები, კონტროლი, მოგზაურობა.
  9. ძალა: დამოუკიდებლობა, გარშემომყოფებზე გავლენის მოხდენა, ფარული ლიდერობა.
  10. განდეგილი: სიბრძნე, ქვეცნობიერი, სულიერი სამყარო.
  11. ბედის ბორბალი: იღბლიანობა, რისკები, მოვლენების გამეორება.
  12. მართლმსაჯულება: სამართლიანობა, იურიდიული საკითხები, პრობლემების მოგვარება.
  13. ჩამოკიდებული კაცი: თავის გაწირვა, კომპლექსები, სტრესები.
  14. სიკვდილი: ახალი ცხოვრება, ცვლილებები, წარსულისგან გათავისუფლება.
  15. თავშეკავება: ბალანსი, გადაწყვეტილებები, ჰარმონია რომელიმე ცხოვრებისეულ სფეროში.
  16. ეშმაკი: მავნე ჩვევები, ვნება, სექსუალური სფერო.
  17. კოშკი: განადგურება, გათავისუფლება, საფრთხე.
  18. ვარსკვლავი: იმედი, ოპტიმიზმი, ცხოვრების ორიენტირი.
  19. მთვარე: ილუზიები, ტყუილი, ინსტინქტები.
  20. მზე: ბედნიერება, ენერგია, აქტიურობა.
  21. სამსჯავრო: კარმული დავალებები, ურთიერთობა ნათესავებთან და წინაპრებთან, შეცდომები.
  22. სამყარო: სიმშვიდე, დაწყებული საქმის დასრულება, ახალი ციკლი.

პოზიციების შესაბამისი თემები თავად უნდა შეარჩიოთ და შეკითხვებიც თავად უნდა მოიფიქროთ. საჩვენებლად გთავაზობთ შეკითხვებს ყველა პოზიციაზე:

  1. სულელი: რა სახის პოტენციალი გამაჩნია?
  2. ჯადოქარი: როგორ განვავითარო ჩემი უნარები მიზნის მისაღწევად?
  3. ქურუმი ქალი: როგორია ჩემი ინტუიციის მდგომარეობა ამ ეტაპზე?
  4. იმპერატორი ქალი: როგორ მოვიპოვო მატერიალური სტაბილურობა?
  5. იმპერატორი: რა მელოდება კარიერული კუთხით უახლოეს პერიოდში?
  6. ქურუმი: როგორ უნდა მოვიქცე, რომ რწმენა გავიმყარო?
  7. შეყვარებულები: როგორ გავაუმჯობესო ჩემი სასიყვარულო ურთიერთობა?
  8. ეტლი: რამდენად კარგი იდეაა მოგზაურობის დაწყება?
  9. ძალა: რამდენად კარგად გამომდის გარშემოყოფებზე გავლენის მოხდენა?
  10. განდეგილი: რის თქმა სურს ჩემთვის ჩემს ქვეცნობიერს?
  11. ბედის ბორბალი: რამდენად იღბლიანი ვარ ამ ეტაპზე?
  12. მართლმსაჯულება: რამდენად სამართლიანად ვექცევი გარშემომყოფებს?
  13. ჩამოკიდებული კაცი: რამდენად ღირს მსხვერპლის გაღება ჩემი მიზნის მისაღწევად?
  14. სიკვდილი: რამდენად მზად ვარ ახალი ცხოვრების დასაწყებად?
  15. თავშეკავება: როგორ დავაბალანსო ჩემი ცხოვრების კონკრეტული სფერო?
  16. ეშმაკი: რა სახის უარყოფითი თვისება მაფერხებს მიზნისკენ მიმავალ გზაზე?
  17. კოშკი: რა უნდა გავანადგურო ჩემს ცხოვრებაში იმისთვის, რომ მივიღო სასურველი შედეგი?
  18. ვარსკვლავი: რა მიძლიერებს იმედს?
  19. მთვარე: რამდენად მაღალია იმის რისკი, რომ ვცხოვრობდე ილუზიებში?
  20. მზე: რა მანიჭებს ბედნიერებას?
  21. სამსჯავრო: როგორ უნდა შევასრულო ჩემი კარმული დავალება?
  22. სამყარო: რამდენად კარგი პერიოდია დაწყებული საქმის დასრულებისთვის?

გაშლის შეკვეთა შეგიძლიათ “ტაროს სალონის” Facebook-ის გვერდის საშუალებით.